【台語七字仔詩】

台灣又擱欠席

作者：董峰政

中國共咱食死死，專用暗步真卑鄙，

台灣從此愛覺醒，維護尊嚴才合理。

中國號稱五千年，人權民主全不知，

伊是台灣歹厝邊，野蠻獨裁無講理。

中國思想滿滿是，歷史地理捌透機，

台灣主體無建立，毋知本土是啥乜。

花不香擱鳥不語，台灣自古受歧視，

外來政權來統治，毋捌主人啥滋味。

痟狗亂吠勿插伊，凡事計較惱家己，

冷靜處理用理智，本土文化先建立。

認清中國的本質，台灣團結頭一字，

毋通予人看無起，才有安定好日子。

(2003.05WHO受制於中國無理的要求，竟將台灣拒絕於門外所寫)

【註】

一、共咱ga-làn：將我們。

二、不知but-di：不了解。

三、捌透機bhat-tàu-gi：懂得相當透徹。 啥乜siaⁿ-mih：什麼。

四、毋捌m-bhāt：不懂。

五、痟狗siau-gàu：瘋子(痟狗)。 勿插伊mài-cap-i：不理它。

惱家己lo gā-gī(dī)：操煩自己。

六、毋通m-tang：不可以。